Deialdia, zerbitzu anitzetako langile bi lanpostu lekualdatze lehiaketa bidez betetzeko
Esteka 2026ko otsailaren 12ko 31kiko NAOaren argitalpenara.
Deialdi honen xedea da 2024ko plantilla organikoan zerbitzu anitzetako langile izateko bi lanpostu huts, 6.6. eta 6.11 zenbakikoak, lekualdatze lehiaketa bidez betetzea, "Zerbitzu anitzetako langilea" izenarekin.
Lekualdatze lehiaketa abuztuaren 30eko 251/1993 Legegintzako Foru Dekretuak, Nafarroako Administrazio Publikoen zerbitzuko Langileen Estatutuaren testu bategina onesten duenak, eta azaroaren 6ko 215/1985 Foru Dekretuak, hura garatu eta betearazteko emandako Lanpostuak Betetzeko Erregelamendua onesten duenak, xedatutakoari jarraituz eginen da.
Hautagaiek bete beharreko baldintzak.
Indarrean dagoen araudiaren arabera, lekualdatze honetara aurkezten diren pertsona guztiek baldintza hauek bete beharko dituzte eskabideak aurkezteko epea amaitzen den egunean eta esleitutako lanpostuaz jabetzeko unean:
a) Lizarrako Udaleko langile finkoa izatea, jardunean, zerbitzu berezietan edo eszedentzia berezian.
b) D maila edo taldekoa izatea.
Eskaerak eta aurkezteko epea.
Deialdian parte hartzeko eskaerak nahitaez telematikoki aurkeztu beharko dira, Estella-Lizarrako Udalaren atariko egoitza elektronikoan horretarako diseinatutako tramitearen bidez. Tramite hori deialdi honen II. eranskinean ageri da.
Eskaerak aurkezteko epea hamar egun naturalekoa izanen da, deialdi hau Nafarroako Aldizkari Ofizialean argitaratu eta biharamunetik hasita.
Eskabideak aurkezteko epea luzaezina izanen da.
Izangaiek eskabidearekin batera honako agiri hauek aurkeztu beharko dituzte: lehiaketan parte hartzeko eskatzen diren betekizun edo baldintzak betetzen dituztela egiaztatzen duten agiriak eta lehiaketan baloratuko diren merezimenduen egiaztagiriak.
“Agiriak luzatu eta tramitatzeko tasak arautzen dituen 4. ordenantza fiskalean” ezarritako azterketa eskubideei dagokien tasaren hamar euroak ordaindu izanaren frogagiria.
