Deialdia, oposizio-lehiaketa bidez betetzeko lantegi-eskolako eta enplegu-lantegiko zuzendari lanpostua.
Argitalpenerako esteka: 2015eko maiatzaren 23ko NAO, 102 Zk.
4.2.- Parte hartzeko eskabidearekin batera aurkeztu beharreko agiriak.
1. Nortasun agiri nazionalaren edo pasaportearen kopia, indarrean.
2. Deialdiaren 2.1.c) oinarrian eskatutako titulazioaren kopia edo titulua lortzeko eskubideak ordaindu izanaren gordekinarena edo, hala badagokio, eskaerak aurkezteko epea amaitu baino lehen lortzeko moduan egon izanaren ziurtagiria.
3. Izangaiak lehiaketaldian aurkezten dituen merezimenduak ziurtatzen dituzten egiaztagiriak.
4. Espedientea formalizatzeko eta azterketa-eskubideetarako 10 euro ordaindu izanaren egiaztagiria. Automatikoki sortzen da eskaera hau aurkeztean, banku-txartel bidez ordaindu behar baita.
5. Desgaitasun aitortua duten izangaiek aurkeztu beharko dute hura frogatzeko agiria, organo eskudunak emana, parte hartzeko eskabidearekin batera. Halaber, azterketak egiteko egokitzapenak eskatzen ahalko dituzte, denboraren nahiz baliabideen aldetik. Kasu horretan eskabidean bertan adierazi beharko dute, eta, horrez gainera, aparteko orri batean azaldu beharko dute zer desgaitasun duten eta zer egokitzapen eskatzen dituzten.
