Udalak parte hartzeko prozesua hasi du, martxoaren 29ra arte, Capuchinosko Hiri Jarduerarako Plan Berezia idatzi aurretik, kultur ekipamendu bat jartzeko

2021-03-10

Estella-Lizarrako Udalak planteamendu eta kudeaketarako hirigintza hitzarmen bat tramitatu du UC. 12-4, UE. 13 eta UE. 14 unitateen eremuan Udal Plan Orokorra aldatu eta garatzeko.

Helburua da Hiri Jarduerarako Plan Berezi bat (HJPE) tramitatzea, adierazitako esparruetan indarrean dauden planteamenduaren zehaztapenak aldatzeko, Aita Kaputxinoen Kongregazioak (Antonio Oteiza apaiza eta fraile kaputxinoaren obrak, pinturak eta eskulturak biltzen dituen museoa) kultura-ekipamendua ezartzea errazteko.

Egungo osasun egoera dela eta, Plan Berezia tramitatu aurreko parte-hartze prozesua Udalaren web orriaren bidez bideratzen da (Taula). Interesdunek beren ekarpenak egin ditzakete, webguneko iragarkian erantsitako Parte Hartzeko eskabidea betez eta participacion.partaidetza@estella-lizarra.com helbidera bidaliz. Horretarako, Udalaren Sarrera Erregistroan aurkeztu beharko dute, Hiri Plangintza eta Proiektu Estrategikoen Alorrera zuzenduta edo Udalaren egoitza elektronikoaren bidez. Prozesua martxoaren 29an amaituko da eta horren emaitza kontuan hartuko da tramitatu beharreko testua egiterakoan.